Voter ID Apply Online 2026: ಮನೆಯಲ್ಲೇ ಕುಳಿತು 10 ನಿಮಿಷದಲ್ಲಿ ಮೊಬೈಲ್‌ನಲ್ಲೇ ಉಚಿತವಾಗಿ Voter ID ಗೆ ಅರ್ಜಿ ಸಲ್ಲಿಸುವ ಸಂಪೂರ್ಣ ವಿಧಾನ

ಹಂತ 1: ವೋಟರ್ ಪೋರ್ಟಲ್‌ನಲ್ಲಿ ಹೊಸ ಖಾತೆ ತೆರೆಯುವುದು (Registration ಪ್ರಕ್ರಿಯೆ)

• ನೀವು ಮೊದಲ ಬಾರಿ ವೋಟರ್ ಪೋರ್ಟಲ್‌ಗೆ ಭೇಟಿ ನೀಡುತ್ತಿದ್ದರೆ, ಮೊದಲು ಒಂದು ಹೊಸ ಖಾತೆ ರಚಿಸಬೇಕು. ಅದಕ್ಕಾಗಿ ನಿಮ್ಮ ಬ್ರೌಸರ್‌ನಲ್ಲಿ ಗೂಗಲ್ ತೆರೆಯಿರಿ ಮತ್ತು “voters.eci.gov.in” ಅಥವಾ “epic home” ಎಂದು ಟೈಪ್ ಮಾಡಿ ಸರ್ಚ್ ಮಾಡಿ ಅಧಿಕೃತ Voters’ Services Portal ಅನ್ನು ತೆರೆಯಿರಿ ಅಥವಾ ಇಲ್ಲಿ ಕ್ಲಿಕ್ ಮಾಡಿ  Click-Here
• ಮುಖಪುಟ ತೆರೆದ ನಂತರ ಬಲಭಾಗದ ಮೇಲ್ಭಾಗದಲ್ಲಿ ಕಾಣುವ ‘Sign-Up’ ಬಟನ್ ಮೇಲೆ ಕ್ಲಿಕ್ ಮಾಡಿ. ನಂತರ ನಿಮ್ಮ ಚಾಲ್ತಿಯಲ್ಲಿರುವ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ (ಇದು ಆಧಾರ್‌ಗೆ ಲಿಂಕ್ ಆಗಿರಬೇಕೆಂಬ ಅಗತ್ಯವಿಲ್ಲ). ಬೇಕಿದ್ದರೆ ಇ-ಮೇಲ್ ಐಡಿಯನ್ನು ಕೂಡ ಸೇರಿಸಬಹುದು.
• ಅದಾದ ನಂತರ ಸ್ಕ್ರೀನ್‌ನಲ್ಲಿ ಕಾಣುವ ಕ್ಯಾಪ್ಚಾ ಕೋಡ್ ಅನ್ನು ಸರಿಯಾಗಿ ನಮೂದಿಸಿ ‘Continue’ ಕ್ಲಿಕ್ ಮಾಡಿ. ಮುಂದಿನ ಹಂತದಲ್ಲಿ ನಿಮ್ಮ ಮೊದಲ ಹೆಸರು (First Name) ಮತ್ತು ಕೊನೆಯ ಹೆಸರು (Surname) ಅನ್ನು ಹಾಕಿ ‘Request OTP’ ಮೇಲೆ ಕ್ಲಿಕ್ ಮಾಡಿ
• ಕೊನೆಯಲ್ಲಿ ನಿಮ್ಮ ಮೊಬೈಲ್‌ಗೆ ಬರುವ OTP ಅನ್ನು ನಮೂದಿಸಿ ‘Verify’ ಮಾಡಿದರೆ ನಿಮ್ಮ ಹೊಸ ಖಾತೆ ಯಶಸ್ವಿಯಾಗಿ ರಚನೆಯಾಗುತ್ತದೆ.

Voter ID Apply Online 2026

ಹಂತ 2: ವೋಟರ್ ಪೋರ್ಟಲ್‌ಗೆ ಲಾಗಿನ್ ಮಾಡಿ(Login Process)

• ಅಕೌಂಟ್ ಕ್ರಿಯೇಟ್ ಆದ ಬಳಿಕ ಮತ್ತೆ ಹೋಮ್ ಪೇಜ್‌ಗೆ ಹೋಗಿ ‘Login’ ಆಯ್ಕೆಯನ್ನು ಕ್ಲಿಕ್ ಮಾಡಿ.
• ನಂತರ Login ಆಯ್ಕೆಯನ್ನು ಆಯ್ಕೆ ಮಾಡಿ. ನಿಮ್ಮ ಮೊಬೈಲ್ ಸಂಖ್ಯೆ ಮತ್ತು ಪಾಸ್‌ವರ್ಡ್ ಅಥವಾ OTP ಬಳಸಿ ಲಾಗಿನ್ ಆಗಬಹುದು.
• ಲಾಗಿನ್ ಆದ ನಂತರ ನಿಮ್ಮ ಡ್ಯಾಶ್‌ಬೋರ್ಡ್ ತೆರೆಯುತ್ತದೆ. ಅಲ್ಲಿಂದ ಹೊಸ ವೋಟರ್ ನೋಂದಣಿ ಪ್ರಕ್ರಿಯೆಯನ್ನು ಆರಂಭಿಸಬಹುದು.

ಹಂತ 3: ಹೊಸ ವೋಟರ್ ಐಡಿ ಅರ್ಜಿಗೆ ‘Form 6’ ಅನ್ನು ಭರ್ತಿ ಮಾಡಿ

• ಡ್ಯಾಶ್‌ಬೋರ್ಡ್‌ನ ಎಡಭಾಗದಲ್ಲಿ ‘New Voter Registration’ ಎಂಬ ಆಯ್ಕೆ ಕಾಣಿಸುತ್ತದೆ. ಅದರ ಕೆಳಗೆ ಇರುವ ‘Fill Form 6’ ಬಟನ್ ಮೇಲೆ ಕ್ಲಿಕ್ ಮಾಡಿದರೆ ಹೊಸ ಫಾರ್ಮ್ ತೆರೆಯುತ್ತದೆ. ನಂತರ ಆ ಫಾರ್ಮ್ ಅನ್ನು ಕ್ರಮವಾಗಿ ಮತ್ತು ಹಂತ ಹಂತವಾಗಿ ಎಲ್ಲಾ ವಿವರಗಳನ್ನು ನಮೂದಿಸಿ ಪೂರ್ಣಗೊಳಿಸಬೇಕು.
• ಮೊದಲ ಬಾರಿಗೆ ವೋಟರ್ ಐಡಿ ಪಡೆಯಲು ಬಯಸುವ ಪ್ರತಿಯೊಬ್ಬರೂ Form 6 ಅನ್ನು ಭರ್ತಿ ಮಾಡುವುದು ಕಡ್ಡಾಯ. ಇದು ಹೊಸ ಮತದಾರರ ನೋಂದಣಿಗಾಗಿ ಚುನಾವಣಾ ಆಯೋಗ ಬಳಸುವ ಅಧಿಕೃತ ಅರ್ಜಿ ನಮೂನೆ ಆಗಿದೆ. ಈ ಫಾರ್ಮ್ ಮೂಲಕ ನಿಮ್ಮ ಹೆಸರು ಮತದಾರರ ಪಟ್ಟಿಯಲ್ಲಿ ಸೇರಿಸಲಾಗುತ್ತದೆ.
• ಈ ಫಾರ್ಮ್‌ನಲ್ಲಿ ನೀವು ನಿಮ್ಮ ವೈಯಕ್ತಿಕ ವಿವರಗಳು, ಸಂಪೂರ್ಣ ವಿಳಾಸ, ಜನ್ಮ ದಿನಾಂಕ ಹಾಗೂ ಕುಟುಂಬದ ಸಂಬಂಧಿತ ಮಾಹಿತಿಯನ್ನು ಸರಿಯಾಗಿ ನಮೂದಿಸಬೇಕು. ನೀಡುವ ಎಲ್ಲಾ ಮಾಹಿತಿಗಳು ಸರಿಯಾಗಿದ್ದರೆ ನಿಮ್ಮ ಅರ್ಜಿ ಪ್ರಕ್ರಿಯೆ ಸುಗಮವಾಗಿ ಪೂರ್ಣಗೊಳ್ಳುತ್ತದೆ ಮತ್ತು ಯಾವುದೇ ತೊಂದರೆ ಉಂಟಾಗುವುದಿಲ್ಲ.

Voter ID Apply Online 2026

1.ರಾಜ್ಯ ಮತ್ತು ವಿಧಾನಸಭಾ ಕ್ಷೇತ್ರ ಆಯ್ಕೆ(Select State & Assembly Constituency)

• ಮೊದಲ ಹಂತದಲ್ಲಿ ನಿಮ್ಮ ರಾಜ್ಯ ಮತ್ತು ಜಿಲ್ಲೆಯನ್ನು ಆಯ್ಕೆ ಮಾಡಬೇಕು
• ನಂತರ ನೀವು ವಾಸಿಸುವ ವಿಧಾನಸಭಾ ಕ್ಷೇತ್ರವನ್ನು ಆಯ್ಕೆ ಮಾಡಬೇಕು. ಸರಿಯಾದ ಕ್ಷೇತ್ರವನ್ನು ಆಯ್ಕೆ ಮಾಡುವುದು ಬಹಳ ಮುಖ್ಯವಾಗಿದೆ. ಏಕೆಂದರೆ ನಿಮ್ಮ ಹೆಸರು ಮತದಾರರ ಪಟ್ಟಿಯಲ್ಲಿ ಅದೇ ಕ್ಷೇತ್ರದಲ್ಲಿ ಸೇರ್ಪಡೆಯಾಗುತ್ತದೆ.

2.ವೈಯಕ್ತಿಕ ವಿವರಗಳನ್ನು ನಮೂದಿಸುವುದು

• ನಿಮ್ಮ ಹೆಸರು, ಸರ್‌ನೇಮ್ ಹಾಗೂ ಇತರೆ ವೈಯಕ್ತಿಕ ಮಾಹಿತಿಯನ್ನು ನಮೂದಿಸಬೇಕು.
• ಇಂಗ್ಲಿಷ್‌ನಲ್ಲಿ ಹೆಸರು ಟೈಪ್ ಮಾಡಿದಾಗ ಕನ್ನಡದಲ್ಲಿ ಸ್ವಯಂಚಾಲಿತವಾಗಿ ತೋರಿಸಲಾಗುತ್ತದೆ. ಆದರೆ ಕೆಲವೊಮ್ಮೆ ಕನ್ನಡ ಅಕ್ಷರಗಳಲ್ಲಿ ತಪ್ಪುಗಳಾಗಬಹುದು.
• ಅಂತಹ ಸಂದರ್ಭದಲ್ಲಿ ಕನ್ನಡ ಕೀಬೋರ್ಡ್ ಆಯ್ಕೆಯನ್ನು ಬಳಸಿ ಕಾಗುಣಿತವನ್ನು ಸರಿಪಡಿಸಬಹುದು. ಅರ್ಜಿ ಸಲ್ಲಿಸುವ ಮೊದಲು ಹೆಸರು ಸರಿಯಾಗಿದೆಯೇ ಎಂಬುದನ್ನು ಖಚಿತಪಡಿಸಿಕೊಳ್ಳಿ.

3. ಫೋಟೋ ಅಪ್‌ಲೋಡ್ ಮಾಡುವಾಗ ಗಮನಿಸಬೇಕಾದ ಅಂಶಗಳು

• ಫೋಟೋ ಸ್ಪಷ್ಟವಾಗಿದ್ದು, ಮುಖ ಸಂಪೂರ್ಣವಾಗಿ ಸ್ಪಷ್ಟವಾಗಿ ಕಾಣುವಂತೆ ಇರಬೇಕು.
• ಹೆಚ್ಚು ಸ್ಪಷ್ಟವಾಗದ ಅಥವಾ ಹೆಚ್ಚು ಎಡಿಟ್ ಮಾಡಿದ ಫೋಟೋಗಳನ್ನು ಬಳಸಬಾರದು; ಫೋಟೋ ಗಾತ್ರವೂ ನಿಗದಿತ ಮಿತಿಯೊಳಗೇ((Size) 2MB ಗಿಂತ ಕಡಿಮೆ.) ಇರಬೇಕು ಮತ್ತು ಸ್ಪಷ್ಟತೆಯು ಚೆನ್ನಾಗಿರಬೇಕು.

4. ಸಂಬಂಧಿಕರ ಮಾಹಿತಿ

• ಇಲ್ಲಿ ಅರ್ಜಿಯಲ್ಲಿ ನಿಮ್ಮ ಸಂಬಂಧಿತ ಕುಟುಂಬ ಸದಸ್ಯರ ವಿವರಗಳನ್ನು ನಮೂದಿಸಬೇಕು. ಸಾಮಾನ್ಯವಾಗಿ ತಂದೆ (Father), ತಾಯಿ (Mother) ಅಥವಾ ಗಂಡನ (Husband) ಹೆಸರನ್ನು ಸರಿಯಾಗಿ ಆಯ್ಕೆ ಮಾಡಿ ಹಾಕಬೇಕು.
• ಅವಿವಾಹಿತ ಯುವಕರು ಅಥವಾ ಯುವತಿಯರು ‘Father’ ಆಯ್ಕೆಯನ್ನು ಆಯ್ಕೆ ಮಾಡಿ, ತಮ್ಮ ತಂದೆಯ ಹೆಸರು ಮತ್ತು ಸರ್‌ನೇಮ್ ಅನ್ನು ನಮೂದಿಸಬೇಕು. ಕನ್ನಡ ಅಕ್ಷರಗಳಲ್ಲಿ ತಪ್ಪು ಬಂದರೆ, ಕೀಬೋರ್ಡ್ ಆಯ್ಕೆಯ ಮೂಲಕ ಸರಿಪಡಿಸಿಕೊಳ್ಳಬಹುದು.
• ಮದುವೆಯಾದ ಮಹಿಳೆಯರು ‘Husband’ ಆಯ್ಕೆಯನ್ನು ಆಯ್ಕೆ ಮಾಡಿ ತಮ್ಮ ಗಂಡನ ಹೆಸರು ಸರಿಯಾಗಿ ನಮೂದಿಸುವುದು ಕಡ್ಡಾಯವಾಗಿರುತ್ತದೆ.

5. ಜನ್ಮ ದಿನಾಂಕ ಮತ್ತು ಲಿಂಗ ಮಾಹಿತಿ

• ಜನ್ಮ ದಿನಾಂಕವನ್ನು ಸರಿಯಾಗಿ ಆಯ್ಕೆ ಮಾಡಬೇಕು. ವಯಸ್ಸಿನ ದೃಢೀಕರಣಕ್ಕಾಗಿ ಆಧಾರ್ ಅಥವಾ ಇತರೆ ದಾಖಲೆಗಳನ್ನು ಅಪ್‌ಲೋಡ್ ಮಾಡಬಹುದು
• ಲಿಂಗ ಮಾಹಿತಿಯನ್ನು ಸರಿಯಾಗಿ ಆಯ್ಕೆ ಮಾಡುವುದು ಅಗತ್ಯವಾಗಿದೆ.

6. ಆಧಾರ್ ವಿವರ ನಮೂದಿಸುವುದು

• ಆಧಾರ್ ಸಂಖ್ಯೆಯನ್ನು ಸರಿಯಾಗಿ ನಮೂದಿಸಬೇಕು.
• ಆಧಾರ್ ದಾಖಲೆ ಸಲ್ಲಿಸುವುದರಿಂದ ನಿಮ್ಮ ಅರ್ಜಿಯ ಪರಿಶೀಲನೆ ಸುಲಭವಾಗುತ್ತದೆ. ತಪ್ಪಾದ ಸಂಖ್ಯೆ ನಮೂದಿಸಿದರೆ ನಂತರ ಸಮಸ್ಯೆಗಳು ಉಂಟಾಗಬಹುದು.

7. ವಿಳಾಸದ ವಿವರಗಳನ್ನು ಭರ್ತಿ ಮಾಡುವುದು

• ಮನೆ ನಂಬರ್, ಬೀದಿ ಅಥವಾ ರಸ್ತೆ ಹೆಸರು, ಊರು, ಪೋಸ್ಟ್ ಆಫೀಸ್, ಪಿನ್‌ಕೋಡ್ ಜೊತೆಗೆ ತಾಲೂಕು ಮತ್ತು ಜಿಲ್ಲೆಯ ವಿವರಗಳನ್ನು ಸರಿಯಾಗಿ ಇಂಗ್ಲಿಷ್‌ನಲ್ಲಿ ನಮೂದಿಸಬೇಕು. ನೀವು ಹಾಕಿದ ಮಾಹಿತಿ ಸ್ವಯಂಚಾಲಿತವಾಗಿ ಕನ್ನಡಕ್ಕೆ ಪರಿವರ್ತನೆಯಾಗುತ್ತದೆ; ಯಾವುದಾದರೂ ತಪ್ಪು ಕಂಡುಬಂದರೆ ಕೀಬೋರ್ಡ್ ಆಯ್ಕೆಯ ಮೂಲಕ ಸುಲಭವಾಗಿ ತಿದ್ದುಪಡಿ ಮಾಡಬಹುದು.
• ವಿಳಾಸವನ್ನು ದೃಢೀಕರಿಸಲು (Proof of Residence) ಮತ್ತೆ ‘Aadhaar Card’ ಅನ್ನು ಆಯ್ಕೆ ಮಾಡಿ, ಅದೇ ಆಧಾರ್ ಕಾರ್ಡ್‌ನ PDF ಪ್ರತಿಯನ್ನು ಅಪ್‌ಲೋಡ್ ಮಾಡುವುದು ಅಗತ್ಯ.

8. ಅಂಗವೈಕಲ್ಯ ಮತ್ತು ಕುಟುಂಬ ಸದಸ್ಯರ ವಿವರ

• ಅಂಗವೈಕಲ್ಯ (Disability) ಇದ್ದರೆ ಅದಕ್ಕೆ ಸಂಬಂಧಿಸಿದ ಆಯ್ಕೆಯನ್ನು ಟಿಕ್ ಮಾಡಿ ಅಗತ್ಯ ಪ್ರಮಾಣಪತ್ರವನ್ನು ಅಪ್‌ಲೋಡ್ ಮಾಡಬೇಕು. ಅಂತಹ ಮಾಹಿತಿ ಇಲ್ಲದಿದ್ದರೆ ಆ ವಿಭಾಗವನ್ನು ಖಾಲಿ ಬಿಡಿ ಮತ್ತು ಮುಂದಿನ ಹಂತಕ್ಕೆ ಸಾಗಲು ‘Next’ ಕ್ಲಿಕ್ ಮಾಡಿ.
• ಇದೇ ರೀತಿ, ಮನೆಯಲ್ಲಿರುವ ತಂದೆ, ತಾಯಿ ಅಥವಾ ಗಂಡನಂತಹ ಕುಟುಂಬ ಸದಸ್ಯರು ಈಗಾಗಲೇ ವೋಟರ್ ಐಡಿ ಹೊಂದಿದ್ದರೆ ಅವರ ಹೆಸರು ಹಾಗೂ EPIC ನಂಬರ್ ಅನ್ನು ಇಲ್ಲಿ ಸೇರಿಸುವುದು ಉತ್ತಮ. ಇದು ಕಡ್ಡಾಯವಲ್ಲದಿದ್ದರೂ, ನಿಮ್ಮ ಅರ್ಜಿ ಪರಿಶೀಲನೆ ಪ್ರಕ್ರಿಯೆ ವೇಗವಾಗಿ ನಡೆಯಲು ಸಹಾಯಕವಾಗುತ್ತದೆ.

9. Declaration ವಿಭಾಗದಲ್ಲಿ ಏನು ಮಾಡಬೇಕು?

• ನಿಮ್ಮ ಜನ್ಮಸ್ಥಳ, ರಾಜ್ಯ ಮತ್ತು ಜಿಲ್ಲೆಯನ್ನು ಆಯ್ಕೆ ಮಾಡಬೇಕು ನೀವು ಎಷ್ಟು ವರ್ಷಗಳಿಂದ ಆ ವಿಳಾಸದಲ್ಲಿ ವಾಸಿಸುತ್ತಿದ್ದೀರಿ ಎಂಬ ಮಾಹಿತಿಯನ್ನು ನೀಡಬೇಕು.
• ಕೊನೆಯಲ್ಲಿ ಸ್ಥಳದ ಹೆಸರನ್ನು ನಮೂದಿಸಿ ಮುಂದಿನ ಹಂತಕ್ಕೆ ಸಾಗಬಹುದು.

10. ಕುಟುಂಬದ ಸದಸ್ಯರ EPIC ಸಂಖ್ಯೆ

ನಿಮ್ಮ ಕುಟುಂಬದಲ್ಲಿ ಈಗಾಗಲೇ ಯಾರಾದರೂ ವೋಟರ್ ಐಡಿ ಹೊಂದಿದ್ದರೆ ಅವರ EPIC ಸಂಖ್ಯೆಯನ್ನು ನೀಡಬಹುದು.ಇದರಿಂದ ಅಧಿಕಾರಿಗಳಿಗೆ ಪರಿಶೀಲನೆ ನಡೆಸಲು ಸುಲಭವಾಗುತ್ತದೆ ಮತ್ತು ಕೆಲ ಸಂದರ್ಭಗಳಲ್ಲಿ ಅರ್ಜಿ ವೇಗವಾಗಿ ಪ್ರಕ್ರಿಯೆಗೊಳ್ಳಲು ಸಹಾಯವಾಗುತ್ತದೆ.

Voter ID Apply Online 2026

ಹಂತ 4: ಇ-ಸೈನ್ (e-Sign) ಮತ್ತು ಅಂತಿಮ ಸಲ್ಲಿಕೆ ಪ್ರಕ್ರಿಯೆ

• ಕೊನೆಯ ಹಂತದಲ್ಲಿ ಸ್ಕ್ರೀನ್ ಮೇಲೆ ಕಾಣುವ ಕ್ಯಾಪ್ಚಾ ಕೋಡ್ ಅನ್ನು ಸರಿಯಾಗಿ ನಮೂದಿಸಿ, ನಂತರ ‘Preview and Submit’ ಬಟನ್ ಮೇಲೆ ಕ್ಲಿಕ್ ಮಾಡಬೇಕು.
• ನಂತರ ನೀವು ಈಗಾಗಲೇ ಭರ್ತಿ ಮಾಡಿದ ಸಂಪೂರ್ಣ Form 6 ಅರ್ಜಿ ನಿಮ್ಮ ಮುಂದೆ ಕಾಣಿಸುತ್ತದೆ. ಇಲ್ಲಿ ನಿಮ್ಮ ಫೋಟೋ, ಹೆಸರು, ವಿಳಾಸ ಹಾಗೂ ಕನ್ನಡದಲ್ಲಿ ಬಂದಿರುವ ಎಲ್ಲ ಮಾಹಿತಿಯನ್ನು ಮೇಲಿನಿಂದ ಕೆಳಗಿನವರೆಗೆ ಒಮ್ಮೆ ಎಚ್ಚರಿಕೆಯಿಂದ ಪರಿಶೀಲಿಸಬೇಕು.
• ಯಾವುದಾದರೂ ತಪ್ಪು ಕಂಡುಬಂದರೆ ‘Keep Editing’ ಆಯ್ಕೆಯನ್ನು ಬಳಸಿ ತಿದ್ದುಪಡಿ ಮಾಡಿಕೊಳ್ಳಬಹುದು. ಎಲ್ಲವೂ ಸರಿಯಾಗಿ ಇದ್ದರೆ ಮುಂದಿನ ಹಂತವಾಗಿ ‘e-Sign & Submit’ ಬಟನ್ ಮೇಲೆ ಕ್ಲಿಕ್ ಮಾಡಬೇಕು.
• ಇದಾದ ನಂತರ ನೀವು CDAC ನ ಇ-ಸೈನ್ ಪೇಜ್‌ಗೆ ರೀಡೈರೆಕ್ಟ್ ಆಗುತ್ತೀರಿ. ಅಲ್ಲಿ ನಿಮ್ಮ 12 ಅಂಕಿಯ ಆಧಾರ್ ಸಂಖ್ಯೆಯನ್ನು ನಮೂದಿಸಿ ‘Get OTP’ ಕ್ಲಿಕ್ ಮಾಡಬೇಕು.
• ನಂತರ ನಿಮ್ಮ ಆಧಾರ್‌ಗೆ ಲಿಂಕ್ ಆಗಿರುವ ಮೊಬೈಲ್ ಸಂಖ್ಯೆಗೆ ಬರುವ OTP ಅನ್ನು ನಮೂದಿಸಿ ‘Submit’ ಮಾಡಿದರೆ, ನಿಮ್ಮ ಅರ್ಜಿ ಯಶಸ್ವಿಯಾಗಿ ಸಲ್ಲಿಕೆಯಾಗುತ್ತದೆ.

• ಕೊನೆಯಲ್ಲಿ ಸ್ಕ್ರೀನ್‌ನಲ್ಲಿ Reference Number (ಉದಾ: S100…) ಕಾಣಿಸುತ್ತದೆ. ಅದನ್ನು ಮುಂದಿನ ಬಳಕೆಗೆ ಸುರಕ್ಷಿತವಾಗಿ ಉಳಿಸಿಕೊಂಡು, ಕೆಳಭಾಗದಲ್ಲಿ ಇರುವ ‘Download Acknowledgement’ ಆಯ್ಕೆಯನ್ನು ಕ್ಲಿಕ್ ಮಾಡಿ ಸ್ವೀಕೃತಿ ಪತ್ರವನ್ನು ಡೌನ್‌ಲೋಡ್ ಮಾಡಿಕೊಂಡು ಮಾಡಿಕೊಂಡು ಸುರಕ್ಷಿತವಾಗಿ ಇಟ್ಟುಕೊಳ್ಳಬೇಕು.

ಹಂತ 5: ಅರ್ಜಿಯ ಸ್ಥಿತಿ ಪರಿಶೀಲಿಸುವ ವಿಧಾನ (Track Application Status)

• ವೋಟರ್ ಐಡಿ ತಕ್ಷಣ ಸಿಗುವುದಿಲ್ಲ, ಇದು BLO ಪರಿಶೀಲನೆಯ ನಂತರ ಮಾತ್ರ ಪ್ರಕ್ರಿಯೆಯಾಗುತ್ತದೆ.
• ಪೋರ್ಟಲ್ ಮುಖಪುಟದಲ್ಲಿ ‘Track Application Status’ ಮೇಲೆ ಕ್ಲಿಕ್ ಮಾಡಿ.
• ನಿಮ್ಮ Reference Number ಮತ್ತು ರಾಜ್ಯವನ್ನು ಆಯ್ಕೆ ಮಾಡಿ ‘Submit’ ಒತ್ತಿ.
• ನಿಮ್ಮ ಅರ್ಜಿಯ ಸ್ಥಿತಿ (Submitted → BLO Appointed → Field Verified → EPIC Generated) ಕಾಣಿಸುತ್ತದೆ.
• ಸಾಮಾನ್ಯವಾಗಿ EPIC Number ಜನರೇಟ್ ಆಗಲು 15–20 ದಿನಗಳು ಅಥವಾ ಕೆಲವು ಸಂದರ್ಭಗಳಲ್ಲಿ ಹೆಚ್ಚಿನ ಸಮಯ ಬೇಕಾಗಬಹುದು.

ಮೂಲ ವೋಟರ್ ಐಡಿ ಕಾರ್ಡ್ ಯಾವಾಗ ಬರುತ್ತದೆ?

ಡಿಜಿಟಲ್ ಕಾರ್ಡ್ ಸಿಕ್ಕ ನಂತರ ಕೆಲ ವಾರಗಳು ಅಥವಾ ತಿಂಗಳುಗಳಲ್ಲಿ ಮೂಲ ಪ್ಲಾಸ್ಟಿಕ್ ಕಾರ್ಡ್ ಅಂಚೆ ಮೂಲಕ ನಿಮ್ಮ ವಿಳಾಸಕ್ಕೆ ತಲುಪುತ್ತದೆ.ಇದಕ್ಕಾಗಿ ಪ್ರತ್ಯೇಕ ಶುಲ್ಕ ಪಾವತಿಸುವ ಅಗತ್ಯವಿಲ್ಲ.

ಅರ್ಜಿ ತಿರಸ್ಕಾರವಾಗದಂತೆ ಗಮನಿಸಬೇಕಾದ ಅಂಶಗಳು

• ಹೆಸರು ಮತ್ತು ಜನ್ಮ ದಿನಾಂಕ ಸರಿಯಾಗಿ ನಮೂದಿಸಿ
• ಸ್ಪಷ್ಟವಾದ ಫೋಟೋ ಅಪ್‌ಲೋಡ್ ಮಾಡಿ
• ಆಧಾರ್ ವಿವರಗಳಲ್ಲಿ ತಪ್ಪು ಮಾಡಬೇಡಿ
• ವಿಳಾಸ ಮಾಹಿತಿಯನ್ನು ಸರಿಯಾಗಿ ನಮೂದಿಸಿ
• ಸಾಧ್ಯವಾದರೆ e-Sign ಬಳಸಿ ಸಲ್ಲಿಸಿ
• ಅಂತಿಮ ಸಲ್ಲಿಕೆಗೆ ಮುನ್ನ Preview ಪರಿಶೀಲಿಸಿ

ಕೊನೆಯ ಮಾತು

18 ವರ್ಷ ಪೂರೈಸಿದ ಪ್ರತಿಯೊಬ್ಬ ಯುವಕ ಮತ್ತು ಯುವತಿ ತಮ್ಮ ಮತದಾನದ ಹಕ್ಕನ್ನು ಬಳಸಲು ವೋಟರ್ ಐಡಿ ಹೊಂದಿರಬೇಕು. ಈಗ ಈ ಪ್ರಕ್ರಿಯೆ ಸಂಪೂರ್ಣ ಆನ್‌ಲೈನ್ ಆಗಿರುವುದರಿಂದ ಯಾವುದೇ ಸೈಬರ್ ಸೆಂಟರ್‌ಗೆ ಹೋಗುವ ಅಗತ್ಯವಿಲ್ಲ. ನಿಮ್ಮ ಮೊಬೈಲ್‌ನಲ್ಲೇ ಕೆಲವೇ ನಿಮಿಷಗಳಲ್ಲಿ ಅರ್ಜಿ ಸಲ್ಲಿಸಬಹುದು.

ನಿಮ್ಮ ಒಂದು ಮತ ದೇಶದ ಭವಿಷ್ಯವನ್ನು ರೂಪಿಸುವ ಶಕ್ತಿಯನ್ನು ಹೊಂದಿದೆ. ಆದ್ದರಿಂದ ವಿಳಂಬ ಮಾಡದೆ ಇಂದೇ ಹೊಸ ವೋಟರ್ ಐಡಿಗೆ ಅರ್ಜಿ ಸಲ್ಲಿಸಿ. ಜವಾಬ್ದಾರಿಯುತ ನಾಗರಿಕರಾಗಿ, ಪ್ರಜಾಪ್ರಭುತ್ವದ ಹಬ್ಬದಲ್ಲಿ ನಿಮ್ಮ ಪಾಲ್ಗೊಳ್ಳುವಿಕೆಯನ್ನು ಖಚಿತಪಡಿಸಿಕೊಳ್ಳಿ.

FAQ – ಸಾಮಾನ್ಯ ಪ್ರಶ್ನೆಗಳು

⇒ ಇಲ್ಲ. ಸಂಪೂರ್ಣವಾಗಿ ಉಚಿತ

⇒ ಹೊಸ ಮತದಾರರಿಗೆ (Form 6)

⇒ ಸಾಮಾನ್ಯವಾಗಿ 15 ರಿಂದ 30 ದಿನಗಳು ಅಥವಾ ಅದಕ್ಕಿಂತ ಹೆಚ್ಚು ಸಮಯ ಹಿಡಿಯಬಹುದು.

⇒ ಸಾಮಾನ್ಯವಾಗಿ 15 ರಿಂದ 30 ದಿನಗಳು ಅಥವಾ ಅದಕ್ಕಿಂತ ಹೆಚ್ಚು ಸಮಯ ಹಿಡಿಯಬಹುದು.

⇒ ಪರಿಶೀಲನೆ ನಂತರ e-EPIC ಡೌನ್‌ಲೋಡ್ ಆಗುತ್ತದೆ ಮತ್ತು ಮೂಲ ಕಾರ್ಡ್ ಪೋಸ್ಟ್ ಮೂಲಕ ಮನೆಗೆ ಬರುತ್ತದೆ.

Voter ID Apply Online 2026

ಅಂತಿಮ ಮಾತು 

18 ವರ್ಷ ಪೂರೈಸಿದ ಪ್ರತಿಯೊಬ್ಬ ಯುವಕ ಮತ್ತು ಯುವತಿ ತಮ್ಮ ಮತದಾನದ ಹಕ್ಕನ್ನು ಬಳಸಲು ವೋಟರ್ ಐಡಿ ಹೊಂದಿರಬೇಕು. ಈಗ ಈ ಪ್ರಕ್ರಿಯೆ ಸಂಪೂರ್ಣ ಆನ್‌ಲೈನ್ ಆಗಿರುವುದರಿಂದ ಯಾವುದೇ ಸೈಬರ್ ಸೆಂಟರ್‌ಗೆ ಹೋಗುವ ಅಗತ್ಯವಿಲ್ಲ. ನಿಮ್ಮ ಮೊಬೈಲ್‌ನಲ್ಲೇ ಕೆಲವೇ ನಿಮಿಷಗಳಲ್ಲಿ ಅರ್ಜಿ ಸಲ್ಲಿಸಬಹುದು.

ನಿಮ್ಮ ಒಂದು ಮತ ದೇಶದ ಭವಿಷ್ಯವನ್ನು ರೂಪಿಸುವ ಶಕ್ತಿಯನ್ನು ಹೊಂದಿದೆ. ಆದ್ದರಿಂದ ವಿಳಂಬ ಮಾಡದೆ ಇಂದೇ ಹೊಸ ವೋಟರ್ ಐಡಿಗೆ ಅರ್ಜಿ ಸಲ್ಲಿಸಿ. ಜವಾಬ್ದಾರಿಯುತ ನಾಗರಿಕರಾಗಿ, ಪ್ರಜಾಪ್ರಭುತ್ವದ ಹಬ್ಬದಲ್ಲಿ ನಿಮ್ಮ ಪಾಲ್ಗೊಳ್ಳುವಿಕೆಯನ್ನು ಖಚಿತಪಡಿಸಿಕೊಳ್ಳಿ.

 ಇದನ್ನು ಓದಿ:  

ಗೃಹಲಕ್ಷ್ಮಿಯೋಜನೆ ಹೊಸ ನಿಯಮ 2026: ₹2000 ಪಡೆಯಲು ಬಯೋಮೆಟ್ರಿಕ್ ಕಡ್ಡಾಯ? ಸರ್ಕಾರದ ಮಹತ್ವದ ಅಪ್‌ಡೇಟ್